ქართული
საზოგადო სახელი: მაღალი კოინდარი (ფრანგული კოინდარი)
სახეობის სახელწოდება: Arrhenatherum elatius L.
ჯიშის სახელწოდება: ქართული - Arrhenatherum elatius‘ Kartuli ’
წარმოშობა: ჯიში „ქართული“ გამოყვანილია ყირგიზეთის ს/კ ინსტიტუტში, მცენარეთა პროდუქტიულობის მიხედვით, მასობრივი გამორჩევის გზით. დარაიონებულია 1968 წლიდან, იონჯისა და ესპარცეტის გავრცელების ზონებისათვის.
ჯიშის დახასიათება: „ქართული“ საადრეო ჯიშია. სავეგეტაციო პერიოდი, საგაზაფხულო წამოზრდიდან გათიბვამდე, 66-77დღეა, ხოლო თესლის სიმწიფემდე - 89-98 დღე. მცენარე მაღალია: 90-170სმ სიმაღლის. ღერო სწორია, სუსტად დამუხლული. ბუჩქი მჭიდროა, იშვიათადაა ნახევრადშეფოთლილი. ბარტყობა საშუალო ან ძლიერი 22-40 
ღერომდე. შეფოთვლა საერთო მასის 32-35%. საქართველოს მთისწინებში სწრაფად ვითარდება. ზაფხულში ნალექების საკმარისი რაოდენობისას, იძლევა ორ განათიბს. ხასიათდება მწვანე მასის, თივისა და თესლის საკმაოდ მაღალი მოსავლიანობით.
ჯიში ქართული წელიწადში იძლევა მწვანე მასის მოსავალს 17-20ტ/ჰა-ს, თივისა - 6-7ტ/ჰა და თესლისა - 0,6-0,8ტ/ჰა. თივა საშუალოდ შეიცავს 11% ცილასა და 32% უჯრედისს.
დღევანდელი მდგომარეობა: დაცულია აგრარული უნივერსიტეტის მცენარეთა გენეტიკური რესურსების ბანკში;
დამატებითი ინფორმაცია: ჯიში ზამთარამტანია. მისი თივა უხეშია, მაგრამ მაღალი კვებითი ღირებულებისაა.
წყაროები:
1. Программа селекционных работ Закавказского комплексного селекционного центра по растениеводству до 1990 года. Тбилиси 1991г.