მუტანტი 2 სოია
საზოგადო სახელი: სოია
სახეობის სახელწოდება: Glycine max (L.) Merr.
ჯიშის სახელწოდება: მუტანტი 2 Glycine max 'Mutanti 2'
წარმოშობა: სელექციური ჯიშია. გამოყვანილია საქართველოს მიწათმოქმედების სამეცნიერო-კვლევით ინსტიტუტის მცხეთის სასელექციო სადგურში ჯიშის - სალუტ 216-ის გამა-სხივებით დამუშავებული თესლის ნათესში ინდივიდუალური გამორჩევის მეთოდით. რეკომენდირემულია მთისწინა ზონებისათვის, ზღვის დონიდან 800-1200მ სიმაღლეზე.
ჯიშის დახასიათება: ძალიან საადრეო ჯიშია, სავეგეტაციო პერიოდი 90-100 დღეა. იგი მიეკუთვნება მანჯურიული ქვესახეობის საადრეო სახესხვაობას, სააპრობაციო ჯგუფს - flavida Enk. მცენარის ბუჩქი დაბალია, 55-70სმ-მდე. საშუალოდ შეფოთლილი; ფოთლები ოვალურ-მომრგვალებულია, ბლაგვწვეროიანი. ყვავილი წვრილია და თეთრი. პარკები საშუალო ზომის, ოდნავ მოხრილი და ქერად შეფერილი. სიმწიფისას პარკი არ სკდება და მარცვალი არ ცვივა. მარცვალი ოვალურია, ყვითელი, ყავისფრად პიგმენტირებული. 1000 მარცვლი საშუალოდ 145-170გრ-ს იწონის. საშუალო მოსავლიანობა - 2,6 ტ/ჰა. თესლი შეიცავს საშუალოდ 35% ცილასა და 23,8% ცხიმს.
დღევანდელი მდგომარეობა: შესაძლებელია დაცული იყოს რუსეთის ვავილოვის სახელობის მემცენარეობის ს/კ ინსტიტუტში (VIR).
დამატებითი ინფორმაცია: მუტანტი 2 სამარცვლე მიმართულებისაა. მოკლე ვეგეტაციის გამო კარგია მეორე მოსავლის მისაღებად დაბლობ ზონაში. ეს ჯიში გვალვისა და სიცივის ამტანია. გამძლეა ჩაწოლისადმი, ბაქტერიული და სოკოვანი დაავადებებისადმი. იგი კარგი წინამორბედია თავთავიანი კულტურებისათვის.
წყაროები: აკაკი აფხაზავა, სოიის კულტურა საქართველოში, გამომცემლობა "საჭოთა საქართველო", თბილისი, 1982 წ.