წეროვანი 1
საზოგადო სახელი: სიმინდი 
სახეობის სახელწოდება: Zea mays L.
სახესხვაობის სახელწოდება: Zea mays var. flavorubra Körn.
ჰიბრიდის სახელწოდება: წეროვანი 1 - Zea mays X flavorubra ‘Tserovani 1’
წარმოშობა: გამოყვანილია მიწათმოქმედების სამეცნიერო-კვლევითი ინსტიტუტში ამერიკული ხაზის B73 -ის შეჯვარებით ხაზ MO 17/24-თან.დაშვებულია გასავრცელებლად 2003 წლიდან, აღმოსავლეთ საქართველოს სარწყავი და ქვემო იმერეთის რაიონებისათვის.
ჯიშის დახასიათება: სავეგეტაციო პერიოდი საშუალო-საგვიანოა, აღმოცენებიდან სრულ სიმწიფემდე სჭირდება 126 დღე. მცენარე მაღალმოზარდია, სიმაღლე 240-280 სმ. ფოთლების რაოდენობა - 20. მიწისზედა მუხლები 16-18. ბარტყობა არ იცის. ერთ მცენარეზე ვითარდება ერთი ტარო, ტაროს მიმაგრების სიმაღლეა 115 სმ. ტარო დიდი ზომისაა, სიგრძე 22-23 სმ., მასა 230 გრამი. მარცვლის რიგების რიცხვი 16, ფორმა სუსტი კონუსური, ნაქუჩი ვარდისფერია. მარცვალი ყვითელია, კბილა, მსხვილი, 1000 მარცვლის მასა 310 გრამია. მაღალ აგროფონზე მარცვლის მოსავალია 7-9 ტ/ჰა, მარცვლის გამოსავლიანობაა 82-84 %. სიმწიფეში შესვლისას მარცვალი სწრაფად შრება. ოპტიმალური სიხშირეა 52-57 ათასი მცენარე ჰა-ზე. გამძლეა ჩაწოლის მიმართ; არ ავადდება ბუშტოვანი გუდაფშუტათი, ჩრდილოეთის ჰელმინთოსპორიოზით ავადდება მცირედ.
დღევანდელი მდგომარეობა: ჰიბრიდის მშობელი ფორმების თესლები არის საქართველოს აგრარული უნივერსიტეტის მიწათმოქმედების ინსტიტუტში.
წყაროები: ი. ლომოურის სახელობის მიწათმოქმედების სამეცნიერო-კვლევითი ინსტიტუტის სამეცნიერო შრომების კრებული XXXXIV, თბილისი 2004, გვ. 234-237;
სამარცვლე სიმინდის მოვლა-მოყვანა ფერმერულ მეურნეობაში, სსიპ. მიწათმოქმედების ინსტიტუტი, სახელმძღვანელო, გამოცემულია მსოფლოი ბანკის მხარდაჭერით, თბილისი 2010, გვ. 16;
საქართველოს მეცნიერებათა აკადემია, საქართველოს მთიანეთის სოციალურ - ეკონომიკური პრობლემები და მათი გადაჭრის გზები, თბილისი, 2010 წ, გვ. 337.
დამატებითი ინფორმაცია: ჰიბრიდი სამარცვლე მიმართულებისაა.
დამატებითი ინფორმაცია: ჰიბრიდი სამარცვლე მიმართულებისაა.