ლომთაგორა 3
საზოგადო სახელი: სიმინდი
სახეობის სახელწოდება: Zea mays L.
სახესხვაობის სახელწოდება: Zea mays var. flavorubra Körn.
ჰიბრიდის სახელწოდება: ლომთაგორა 3- Zea mays X flavorubra ‘Lomtagora 3’
წარმოშობა: გამოყვანილია შპს ფირმა ”ლომთაგორას” მიერ, ჰიბრიდ ლომთაგორა 1-ის შეჯვარებით ადგილობრივ ჯიშ - ქართულ კრუგთან. დაშვებულია გასავრცელებლად 2011 წლიდან აღმოსავლეთ საქართველოს სარწყავ რაიონებში, სადაც ჰაერის აქტიურ ტემპერატურათა ჯამი არის 3000-45000 C.
ჯიშის დახასიათება: სავეგეტაციო პრიოდი საშუალო-საგვიანოა, აღმოცენებიდან სრულ სიმწიფემდე საჭიროებს 130 დღეს. მცენარე მაღალმოზარდია, სიმაღლე 280 სმ. ფოთლების რაოდენობაა 18-20, მიწისზედა მუხლებისა - 16-17. ბარტყობა არ იცის. მცენარეზე ვითარდება ერთი ტარო. ტაროს მიმაგრების სიმაღლეა 117 სმ. ტაროს ფორმა სუსტი კონუსურია, სიგრძე 21-22 სმ, მარცვლის რიგების რაოდენობაა 16, მასა 262 გრამია. ნაქუჩი ვარდისფერია. ტაროდან მარცვლის გამოსავალია 82%. მარცვალი ყვითელია, კბილა, 1000 მარცვლის მასა 346 გრამია. გამძლეა ჩაწოლის მიმართ; ჩრდილოეთის ჰელმინთოსპორიოზით არ ავადდება, სიმინდის ფარვანა მცირედ აზიანებს. ვარგისია მექანიზებული მოვლა-მოყვანისათვს. მარცვლის მოსავალია 7.38 ტ/ჰა. მორწყვის პირობებში ეფექტურად იყენებს მინერალურ სასუქებს. ოპტიმალური სიხშირეა 45-55 ათასი მცენარე ჰა-ზე.
დღევანდელი მდგომარეობა: ჰიბრიდის მშობელი ფორმების თესლები არის შპს ფირმა ”ლომთაგორაში”.
დამატებითი ინფორმაცია: გამოიყენება სამარცვლედ და სასილოსედ.
წყაროები: საქართველოს ინტელექტუალური საკუთრების ეროვნული ცენტრი ”საქპატენტი”, მცენარეთა და ცხოველთა ახალი ჯიშების დაცვის ოფიციალური ბიულეტენი, 2(6), თბილისი, 2011, გვ. 17-22.