ალავერდი ქერი
საზოგადო სახელი : ქერი 
სახეობის სახელწოდება - Hordeum vulgare L.
სახესხვაობის სახელწოდება - Hordeum vulgare var. nutans Alef.
ჯიშის სახელწოდება: ალავერდი 1 - Hordeum vulgare ‘Alaverdi 1’
წარმოშობა /გავრცელება/დარაიონების წელი/რეგიონი: გამოყვანილია საქართველოს მიწათმოქმედების ინსტიტუტში, მასობრივი გამორჩევის მეთოდით, ვავილოვის მემცენარეობის საკავშირო ინსტიტუტიდან მიღებული კოლექციის ნიმუშებიდან (K–65). თავთავი ორრიგიანი, ფხიანი, ჩალისფერი.
მოკლე აღწერა: განვითარების ტიპის მიხედვით ჯიში ფაკულტატურია, გამოირჩევა ადრეულობით. მცენარე არ წვება, რომლის სიმაღლეა 95-100 სმ. მცენარის საშუალო პროდუქტიული ბარტყობაა 5,4. თავთავის სიგრძე შეადგენს 9-10 სმ–ს, ხოლო თავთავზე განვითარებული თავთუნების რაოდენობაა 19, ერთ თავთავში საშუალოდ ელიფსური ფორმის 30 მარცვალია, რომლის მასა შეადგენს 13,7 გრამს. 1000 მარცვლის მასა 41,5 გრამს აღწევს. მარცვალში ცილის შემცველობა 10,5%–ია. ჯიში გამოირჩევა დაავადებებისა და მავნებლების მიმართ მდგრადობით.
დღევანდელი მდგომარეობა : ამჟამად ჯიში შესაძლებელია დაცული იყოს საქართველოს აგრარული უნივერსიტეტის ან სხვა უცხოურ გენბანკებში.
წყარო: Международная кавказская конференция по зерновым и зернобобовым культурам. Тбилиси, 2004 г. ст. 139; საქართველოს ინტელექტუალური საკუთრების ეროვნული ცენტრი, მცენარეთა და ცხოველთა ახალი ჯიშების დაცვის ოფიციალური ბიულეტენი 1(002), თბილისი 2010 წ.; საქართველოს სოფლის მეურნეობის მეცნიერებათა აკადემია – ქერის კულტურა, ჯიშური შემადგენლობა და მოვლა–მოყვანის ტექნოლოგია ფერმერულ მეურნეობაში, თბილისი 2010 წ. გვ. 11
დამატებითი ინფორმაცია: ჯიში ხასიათდება დადებითი თვისებებით ლუდის წარმოებისათვის.