ხეთაგუროვის 4 ლობიო
საზოგადო სახელი: ლობიო
სახეობის სახელწოდება: Phaseolus vulgaris L.
ჯიშის სახელწოდება: ხეთაგუროვის 4 Phaseolus vulgaris Khetagurovis 4’
წარმოშობა: გამოყვანილია საქართველოს მიწათმოქმედების სამეცნიერო-კვლევითი ინსტიტუტის მცხეთის სელექციო სადგურში ადგილობრივი ლობიოს ბუნებრივი მუტანტური პოპულაციიდან ინდივიდუალური გამორჩევის გზით ავტორები ს. თედორაძე, პ. მინდიაშვილი, დ ა. მახარობლიძე.
ჯიშის დახასიათება:საშუალოდ საადრეო ჯიშია. მასობრივი აღმოცენებიდან სიმწიფემდე 99-108 დღე. ბუჩქის ფორმა კუტია, მცენარის სიმაღლე 50-70 სმ. დატოტვა საშუალოა, მუხლთაშორისების საერთო რიცხვი 12-14, თეთრი ფერის წვრილი ყვავილები, გრძელი ყვავილთსაჯდომით, ფოთლის იღლიაშია მოთავსებული. პარკი საშუალო სიდიდისაა - 8-12 სმ. დაბაზებისა და სრული სიმწიფის ფაზაში ჩალისფერ-ყვითელი ფერისაა. მცენარეზე 14-30 ცალი მარცვალი თირკმლისებრი, საშუალო სიდიდის, წითელი ფერის, თხელკანიანი და თხელჭიპიანია. 1000 მარცვლის მასა 290 გრამია. ეკუთვნის ქვემო ქართლის ეკოტიპს.
დღევანდელი მდგომარეობა: ამჟამად ეს ჯიში შესაძლებელია დაცული იყოს საქართველოს აგრარული უნივერსიტეტის ან სხვა უცხოურ გენბანკებში.
დამატებითი ინფორმაცია: სუსტად ავადდება პარკების ანთრაქნოზით, გამძლეა ბაქტერიოზით დაავადებისადმი.
წყაროები: ს. თედორაძე, პ. მინდიაშვილი, და. მახარობლიძე,ლობიოსახალიჯიშებისშექნმაბუნებრივიმუტაციით, ი. ნ. ლომოურისსახელობისმიწათმოქმედებისსამეცნიერო-კვლავითიინსტიტუტი, შრომები XXII, თბილისი, 1975. გვ.108-113;
ს. თედორაძე, ლობიოდასოია, თბილისი, 1967;
Программа селекционных работ Закавказского комплексного селекцентра по растениеводству, 1990 года, Тбилиси, 1981, ст.252.