თეთნულდი ქერი
საზოგადო სახელი: ქერი
სახეობის სახელწოდება: Hordeum vulgare L.
სახესხვაობის სახელწოდება: Hordeum vulgare var. nutans Alef.
ჯიშის სახელწოდება: თეთნულდი – Hordeum vulgare ‘Tetnuldi’
წარმოშობა: გამოყვანილია მცხეთის სასელექციო სადგურში, მრავალჯერადი მასობრივი გამორჩევის მეთოდით ჩილედან მიღებული კოლექციის ნიმუშიდან. საქართველოში ჯიში გასავრცელებლად საშვებულია 1999 წლიდან ქერის მთესველი ყველა რეგიონისათვის.
მოკლე აღწერა: ბიოლოგიურად ფაკულტატიური ჯიშია. მცენარის სიმაღლეა 90-100 სმ, ღერო სწორმდგომი. მცენარე ჩაწოლისა და მავნებლებ–დაავადებების მიმართ გამძლე. თავთავი ორრიგიანია, ღია ჩალისფერი, სიგრძით 10-12 სმ. 1000 მარცვლის მასა 43-44 გრამია, ნატურა 600-650 გრამი. მარცვალში ცილის შემცველობაა 10,9-12,1 %. მოსავლიანობა - 5,0-6,0 ტ/ჰა.
დღევანდელი მდგომარეობა: ამჟამად, ჯიში შესაძლებელია დაცული იყოს საქართველოს აგრარული უნივერსიტეტის ან სხვა უცხოურ გენბანკებში.
დამატებითი ინფორმაცია: ჯიში ხასიათდება დადებითი თვისებებით ლუდის წარმოებისათვის.
წყარო: საქართველოს სასოფლო-სამეურნეო კულტურათა დარაიონებული ჯიშების კატალოგი 1997 წლისათვის, თბილისი 1996 წ. გვ.19;
საქართველოს ს/მ მეცნიერებათა აკადემია, „მოამბე“, თბილისი, #7, 2000 წ. გვ. 57;
ქერის კულტურა, ჯიშური შემადგენლობა და მოვლა–მოყვანის ტექნოლოგია ფერმერულ მეურნეობაში, საქართველოს სოფლის მეურნეობის მეცნიერებათა აკადემია, თბილისი 2010 წ. გვ. 10.