წილკანი ოსპი
საზოგადო სახელი: ოსპი
სახეობის სახელწოდება: Lens culinaris Medik.
ჯიშის სახელწოდება: წილკანი Lens culinaris 'Tsilkani'
წარმოშობა: ჯიში წილკანი გამოყვანილია ი. ლომოურის მიწათმოქმედების ინსტიტუტში, ერთჯერადი ინდივიდუალყური გამორჩევის გზით. საწყის მასალად გამოყენებულია საერთაშორისო ორგანიზაცია ICARDA-დან მიღებული სასელექციო მასალა. დარაიონებულია 2012 წლიდან.
ჯიშის დახასიათება: წილკანი საადრეო ჯიშია. ორთესელა ბუნებისაა - შეიძლება დაითესოს შემოდგომაზეც და გაზაფხულზეც, მცენარე ნახევრად დახრილი, ბუჩქის ტიპისაა, დაბალი, ძლიერ დატოტვილია, 30-35სმ სიმაღლის, ღეროს ანტოციანური შეფერილობა არა აქვს. ფოთოლის ზომა საშუალოა, ელიფსური. ყვავილი საშუალო ზომისაა, თეთრი, წიბოებზე იისფერი ხაზებით. პარკი წვერისკენ შემოკლებულია 1-2 მარცვლით, პარკების რაოდენობა მცენარეზე 60-70ცალია. ქვედა პარკის მიმაგრების სიმაღლე 15სმ-ია. მარცვალი საშუალო ზომისაა, მოვარდისფრო-ხორცისფერი შეფერილობისაა, ლებანი - მოწითალო. 1000 მარცვლის მასაა 42,1გრ. მოსავლიანობა - 0,6ტ/ჰა. თესლი შეიცავს 26% ცილასა და 1,46% ცხიმს.
დღევანდელი მდგომარეობა: დაცულია აგრარული უნივერსიტეტის მცენარეთა გენეტიკური რესურსების ბანკში;
დამატებითი ინფორმაცია: კარგად იტანს მცირედ წაყინვებს. ადვილად იხარშება, ხასიათდება კარგი გემური თვისებებით.
წყაროები: მცენარეთა და ცხოველთა ახალი ჯიშების დაცვის ოფიციალური ბიულეტენი 1(9), თბილისი, 2012 წ.