კოლხიდა 4 სოია
საზოგადო სახელი: სოია
სახეობის სახელწოდება: Glycine max (L.) Merr.
ჯიშის სახელწოდება: კოლხიდა 4 Glycine max 'Kolkhida 4'
წარმოშობა: გამოყვანილია საქართველოს მიწათმოქმედების სამეცნიერო-კვლევითი ინსტიტუტის მცხეთის სასელექციო სადგურში ჯიშთაშორის ჰიბრიდიზაციით (დედა-გურული ადგილობრივი შეჯვარებული მამა - იმერული ადგილობრივთან). დარაიონებულია 1963 წლიდან დასავლეთ საქართველოს ჭარბტენიან - შავი ზღვის სანაპირო ზონაში.
ჯიშის დახასიათება: ჯიში კოლხიდა 4 კორეული ქვესახეობის მსხვილფოთლოვანთა სახესხვაობის კოლხური ჯიშთტიპია, სააპრობაციო ჯგუფი - flavida Enk. საგვიანოა 
მწიფდება 150-160 დღეში. ბუჩქი საშუალო სიმაღლისაა - 70-80 სმ, დატოტვა ძლიერია, ჩაწოლისადმი გამძლე. ფოთლები საშუალო სიდიდისაა, კვერცხისებრი, შებუსვა ქერა, ყვავილი თეთრია, მტევანი - მრავალყვავილიანი. პარკი საკმაოდ ფართოა, მსხვილი, სამთესლიანი. 1000 მარცვლის მასაა 210-280 გრ. თესლი მომრგვალო-ოვალურია, ღია ჩალისფერი მოყვითალო ჩალისფერი ჭიპით და პრიალა უპიგმენტო ზედაპირით. მარცვლის მოსავლიანობაა 2,5 ტ/ჰა, თესლში ცხიმის საშუალო შემცველობაა 20,49%, ცილა 40%.
დღევანდელი მდგომარეობა: დაცულია აგრარული უნივერსიტეტის მცენარეთა გენეტიკური რესურსების ბანკში, ასევე შესაძლებელია დაცული იყოს რუსეთის ვავილოვის სახელობის მემცენარეობის ს/კ ინსტიტუტში (VIR).
დამატებითი ინფორმაცია: ჯიში სამარცვლე მიმართულებისაა, გამძლეა ჭარბი ტენისა და გვალვის მიმართ, ჩაწოლა არ ახასიათებს.
წყაროები: მიწათმოქმედების სამეცნიერო-კვლევითი ინსტიტუტის შრომები ტ. XIII თბილისი 1966 წ.;
აკაკი აფხაზავა, სოიის კულტურა საქართველოში, გამომცემლობა „საბჭოთა საქართველო“, თბილისი, 1982 წ.;
გ. ბადრიშვილი, მემცენარეობა, თბილისი. 1981წ.