უსახელო თეთრი
საზოგადო სახელი: ღომი 
სახეობის სახელწოდება: Setaria italica (L.) P. Beauv.
სახესხვაობის სახელწოდება: Setaria italica var. guriika N.Tschchenkeli
ჯიშის სახელწოდება: უსახელო თეთრი Setaria italica guriika ‘ Usakhelo Tetri’
წარმოშობა: ხალხური სელექციის ჯიშია, გავრცელებული იყო ძირითადად გურიაში, ასევე იმერეთსა და სამეგრელოში.
ჯიშის დახასიათება: უსახელო თეთრისაგვიანო ჯიშია, 
სავეგეტაციო პერიოდი საშუალოდ 135-140 დღეა. მცენარის ღერო 125-165სმ-მდე იზრდება. თაველი წვრილია, კონუსური, წვერისკენ შევიწროებულია, 35 სმ სიგრძის, თაველზე თავთუნთა რაოდენობა დაახლოებით 172-175 ცალია. თავთუნები ძირში მეჩხრადაა, წვერისაკენ მჭიდროვდება. ჯაგრულა მწვანეა და გრძელი. თაველი მოყვითალოა, მარცვალი თეთრია, ზოგჯერ მოყვითელო ფერი გადაჰკრავს. მარცვლის გამოსავლიანობა 84-86%-ია, ცვენადობა არ ახასიათებს, ძნელად ილეწება.
დღევანდელი მდგომარეობა:დაცულია აგრარული უნივერსიტეტის მცენარეთა გენეტიკური რესურსების ბანკში, ასევე შესაძლებელია ინახებოდეს გერმანიაში, გატერსლებენის გენბანკში (IPK).
დამატებითი ინფორმაცია: ჯიში უხვმოსავლიანია.
წყაროები: ნ.ი.ჩხენკელი, ფეტვნაირი პურეულის სარკვევი, თბილისი, 1948 წ;
ი. ლომოური, მარცვლეული კულტურები, ნაწილი II, თბილისი, 1950 წ;
Н. И. Чхенкели, Культура Гоми В Грузии (Автореферат), Тбилиси, 1960г.
ი. მაისაია, მ. მოსულიშვილი, საქართველოს ფეტვნაირთა სარკვევი, თბილისი, 2003 წ;
მასალა დახასიათებულია მცენარეთა გენეტიკური რესურსების ბანკის კურატორის მიერ.