ადრეულა 6 სოია
საზოგადო სახელი: სოია![adreula6S]A](wp-content/uploads/2014/10/adreula6SA.jpg)
სახეობის სახელწოდება: Glycine max (L.) Merr.
ჯიშის სახელწოდება: ადრეულა 6 Glycine max 'Adreula 6'
წარმოშობა: სელექციური ჯიშია. გამოყვანილია მცხეთის სასელექციო სადგურში ჯიშთშორისი ჰიბრიდიზაციით (დედა - იმერული ადგილობრივი შეჯვარებული მამა - ილინთან). დარაიონებულია 1964 წლიდან, ქართლისა და იმერეთის რაიონებისათვის.
ჯიშისდახასიათება: ადრეულა 6 საშუალოდ საადრეო ჯიშია, სავეგეტაციო პერიოდი 120-140დღეა. იგი მიეკუთვნება მანჯურიული ქვესახეობის ჩაწოლისადმი გამძლე სახესხვაობას, აპრობაციულ ჯგუფს immaculate Enk. აღმოსავლეთ საქართველოს ჯიშთ-ტიპს. მცენარე სწორმდგომია 70-90 სმ 
სიმაღლის, ფორმით - ნახევრად კომპაქტური, დატოტვა ძლიერია, შეფოთვლა საშუალო. ფოთოლი ფართო კვერცხისებრი ფორმისაა, მუქი მწვანეა ან შავ-მოლურჯო შეფერილობის, დაფარულია თეთრი ფერის ხშირი ბუსუსებით. ფოთლის ზედაპირი დანაოჭებულია. ყვავილი თეთრია და მტევნებად შეკრული. პარკი საკმაოდ დიდია, ოდნავ მოხრილი, მუქი ყავისფერი. ქვედა პარკების ღეროზე მიმაგრების სიმაღლეა12-13 სმ. თესლის ცვენადობა არ ახასიათებს. მარცვლის ფორმა ოვალურია, ზედაპირი პრიალაა, ყვითელი, ღია ყავისფერი ან მოთეთრო ჭიპით. 1000 მარცვლის მასაა 180-240 გრ, საშუალო მოსავლიანობა 2,5ტ/ჰა. თესლი შეიცავს საშუალოდ 35% ცილასა და 22% ცხიმს.
დღევანდელი მდგომარეობა:შესაძლებელია დაცული იყოს რუსეთის ვავილოვის სახელობის მემცენარეობის ს/კ ინსტიტუტში (VIR).
წყაროები: აკაკი აფხაზავა, სოიის კულტურა საქართველოში, გამომცემლობა "საჭოთა საქართველო", თბილისი, 1982 წ.
მიწათმოქმედების სამეცნიერო-კვლევითი ინსტიტუტის შრომები, ტ. XIII, თბილისი, 1966 წ.
სერგო თედორაძე, სოია, გამომცემლობა "საჭოთა საქართველო", თბილისი, 1963 წ.
გ. ბადრიშვილი, მემცენარეობა, თბილისი, 1981 წ.