ენგური
საზოგადო სახელი: სიმინდი
სახეობის სახელწოდება: Zea mays L.
სახესხვაობის სახელწოდება: Zea mays var. flavorubra Körn.
ჰიბრიდის სახელწოდება: ენგური - Zea mays X flavorubra ‘Enguri’
წარმოშობა: გამოყვანილია საქართველოს მიწათმოქმედების სამეცნიერო-კვლევითი ინსტიტუტის გენეტიკის სექტორისა და მცხეთის სასელექციო სადგურში. მიღებულია ამერიკული ხაზების ბ73 და მო17-ის შეჯვარებით. დარაიონებულია 1984 წლიდან აღმოსავლეთ საქართველოს სარწყავ ზონაში და დასავლეთ საქართველოს დაბლობ რაიონებში, სამარცვლედ.
ჯიშის დახასიათება: საშუალო საგვიანო ვეგეტაციისაა, აღმოცენებიდან სრულ სიმწიფემდე სჭირდება 125-130 დღე. მცენარის სიმაღლე 280-300 სმ-ია, ტაროს მიმაგრების სიმაღლე - 121 სმ., მიწისზედა მუხლების რიცხვი 16-17. ფოთლები მწვანეა, ერექტოიდული, ფოთლების რაოდენობაა 19-20. ტარო სუსტი კონუსისებრია, სიგრძე - 23.7 სმ. მარცვლის მწკრივების რიცხვი 16-18, მწკრივში 50-53 მარცვალია. ნაქუჩი ვარდისფერია, მარცვლის გამოსავალი - 84 %. მარცვალი ყვითელია, კბილა, 1000 მარცვლის მასა 300 გრამია. მაღალმოსავლიანია, საცდელ ნაკვეთებში იძლევა 12-13 ტ/ჰა მარცვლის მოსავალს. გამძლეა ჩაწოლისადმი, სუსტი გამძლეა ჰელმინთოსპორიოზის მიმართ. ოპტიმალური სიხშირეა 60 000 მცენარე/ჰა.
დღევანდელი მდგომარეობა: ჰიბრიდის მშობელი ფორმების თესლები არის საქართველოს აგრარული უნივერსიტეტის მიწათმოქმედების ინსტიტუტში.
წყაროები: მემცენარეობა თესლმცოდნეობის საფუძვლებით, თბილისი, 2009, გვ. 98;
სამარცვლე სიმინდის მოვლა-მოყვანა ფერმერულ მეურნეობაში, სსიპ. მიწათმოქმედების ინსტიტუტი, სახელმძღვანელო, გამოცემულია მსოფლოი ბანკის მხარდაჭერით, თბილისი, 2010, გვ. 14;
საქართველოს მეცნიერებათა აკადემია, საქართველოს მთიანეთის სოციალურ - ეკონომიკური პრობლემები და მათი გადაჭრის გზები, თბილისი, 2010 წ, გვ. 335.
დამატებითი ინფორმაცია: ჰიბრიდი სამარცვლე მიმართულებისაა.