ახალთესლი ქერი
საზოგადო სახელი: ქერი
სახეობის სახელწოდება: Hordeum vulgare L.
სახესხვაობის სახელწოდება: Hordeum vulgare var. nutans Alef.
ჯიშის სახელწოდება: ახალთესლი - Hordeum vulgare ‘Akhaltesli’
წარმოშობა: ადგილობრივი, ორმწკრივიანი აბორიგენული ჯიშია.
სახეობის სახელწოდება: Hordeum vulgare L.
სახესხვაობის სახელწოდება: Hordeum vulgare var. nutans Alef.
ჯიშის სახელწოდება: ახალთესლი - Hordeum vulgare ‘Akhaltesli’
წარმოშობა: ადგილობრივი, ორმწკრივიანი აბორიგენული ჯიშია.
მოკლე აღწერა: მცენარე საშუალო სიმაღლისაა, ღერო ნაზია - ელასტიკური, მაგრამ მაგარი და მტკიცე. თავთავი მოთეთრო–მოყვითალო ფერისაა, საშუალო სიგრძის და სიმკვრივის. თავთავის ამონაკვეთზე არსებული სამი თავთუნიდან განვითარებულია მხოლოდ შუა თავთუნი, ორი განაპირა თავთუნი კი უნაყოფოა. ფხები მოჩალისფრო-ყვითელი, უმეტესად ნაზი, გრძელი, დაკბილული. ყვავილის კილები გლუვია, იშვიათად დანაოჭებული, თანდათანობით გადადის ფხაში. მარცვალი მოჩალისფრო-ყვითელია, ელიფსური ფორმის, 1000 მარცვლის მასა 36–37 გრამიდან აღწევს 45 გ–მდე. მთიან რაიონში მარცვალში ცილის შემცველობა 10–11 %-ს არ აღემატება, აღმოსავლეთ საქართველოს ბარის რაიონებში კი 11,8 %-ზე მაღალი არ არის.
დღევანდელი მდგომარეობა: ამჟამად ჯიში შესაძლებელია დაცული იყოს საქართველოს აგრარული უნივერსიტეტის ან სხვა უცხოურ გენბანკებში.
დამატებითი ინფორმაცია: ჯიში ხასიათდება სალუდე ქერის თვისებებით.
წყაროები: : ბ. გაბუნია, ნ. ჩხენკელი, ა. ჯაფარიძე, მემცენარეობა, თბილისი, 1969 წ.;
გ. ბადრიშვილი, მემცენარეობა, თბილისი, 1981 წ.;
საქართველოს სასოფლო-სამეურნეო კულტურათა დარაიონებული ჯიშების კატალოგი 1997 წლისათვის, თბილისი, 1996 წ. გვ.19.