საბოსტნე 1 სოია
საზოგადო სახელი: სოია
სახეობის სახელწოდება: Glycine max (L.) Merr.
ჯიშის სახელწოდება: საბოსტნე 1 Glycine max 'Sabostne 1'
წარმოშობა: ინტროდუცირებულია ტაივანის მებოსტნეობის მსოფლიო ცენტრიდან (ACIRO) და გამორჩეულია ი. ლომოურის მიწათმოქმედების ინსტიტუტის გარდაბნის საცდელ სადგურში. დარაიონებულია 2011 წელს, საქართველოს დასავლეთ და აღმოსავლეთ სარწყავი ზონებისათვის.
ჯიშის დახასიათება: საბოსტნე 1 საადრეო ჯიშია. აღმოცენებიდან სრულ სიმწიფემდე საჭიროებს 85-90 დღეს. მცენარე სწორმდგომია, მძლავრი ფესვთა სისტემითა და კარგად შეფოთლილი ბუჩქით. ბუჩქის სიმაღლეა 40-50 სმ, საშუალოდ შებუსულია, მოკლე მუხლთაშორისებით, საშუალოდ შეფოთლილი. ფოთოლი ოვალურია, მახვილი წვერით. ყვავილი თეთრია, ყვავილობის ხანგრძლივობა 20-30 დღეა. პარკი მწვანეა, 5 სმ სიგრძის, სიგანე - 1,2 სმ. ერთი მცენარე ივითარებს 30-50 პარკს, პარკში ძირითადად 2 თესლია, იშვიათად 1 და 3. თესლი მწვანეა, ოვალური ფორმის, ბრტყელი, სიგრძით 1,3სმ. 1000 ნედლი მარცვლის მასა 680გრ-ია. მწვანე მარცვალი შეიცავს 42% ცილას და 22% ცხიმს. პირველი კრეფა მწვანე პარკების ტექნიკურ სიმწიფეში შესაძლებელია მე-60 დღეს. მოსავლიანობა ტექნიკურ სიმწიფეში 9ტ/ჰა-მდეა, სრულ სიმწიფეში კი 3ტ/ჰა.
დღევანდელი მდგომარეობა: დაცულია აგრარული უნივერსიტეტის მცენარეთა გენეტიკური რესურსების ბანკში, ასევე ინახება სელექციონერის კერძო კოლექციაში.
დამატებითი ინფორმაცია: ჯიში საბოსტნე 1 საბოსტნე მიმართულებისაა, გამძლეა სოკოვანი და ვირუსული დაავადებების მიმართ.
წყაროები: მცენარეთა და ცხოველთა ახალი ჯიშების დაცვის ოფიციალური ბიულეტენი 3(7), თბილისი, 2011 წ.