ბაკლა იგივე მსხვილი ცერცვი
საზოგადო სახელი: ცერცვი
სახეობის სახელწოდება: Vicia faba L.
სახესხვაობის სახელწოდება: Vicia faba var. major Beck. f. macrosperma Murat.
ჯიშის სახელწოდება: ბაკლა იგივე მსხვილი ცერცვიVicia faba ‘Bakla’
იგივე Vicia faba major ‘Macrosperma’
წარმოშობა: ადგილობრივი ჯიშია, წარმოადგენს კოლხურ მსხვილთესლიან ფორმას. ძირითადად გავრცელებული იყო იმერეთისა და ქართლის დაბლობ რაიონებში, აჭარაში, დღეისათვის ფრაგმენტულად გვხვდება ბაღ-ბოსტნებში.
ჯიშის დახასიათება: ბარის ეკოლოგიურ პირობებს შეგუებული ფორმაა, საშუალო ვეგეტაციის ჯიშია, ადრე გაზაფხულზე დათესილ მცენარეს ყვავილობამდე 27-30 დღე სჭირდება, ბარში ყვავილობაგახანგრძლივებული აქვს - 30-40 დღე, სრულ სიმწიფემდე 100-105 დღე სჭირდება. მცენარე სწორმდგომია, სიმაღლით 35-70 სმ-მდე. ყვავილი თეთრი ფერის ფრთებზე ყავისფერი ლაქებით, პარკი დიდი ზომისაა, ძალზე განიერია. თესლი დიდი ზომისაა ძალზე ბრტყელი, მომწვანო-მოვარდისფრო. ჭიპი შავად შეფერილი. ქვედა პარკის მიმაგრების სიმაღლეა ნიადაგიდან 15-20სმ. 1000 მარცვლის მასა 1050-1220 გრ-ია.
დღევანდელი მდგომარეობა: დღევანდელი მდგომარეობა: 
დაცულია აგრარული უნივერსიტეტის მცენარეთა გენეტიკური რესურსების ბანკში; ასევე შესაძლებელია ინახებოდეს გატერსლებენის გენბანკში (IPK).
დამატებითი ინფორმაცია: გადამწიფების დროს იცის პარკების მცირედ სკდომა და მარცვლის ცვენადობა.
წყაროები: ივანე ჯავახიშვილი, თხზულებანი თორმეტ ტომად, თბილისი, 1986 წ. ტ. V;
კულტურულ მცენარეთა სისტემატიკა, ციტოემბრიოლოგია, სტადიური განვითარება, ბოტანიკის ინსტიტუტი, თბილისი, 1966 წ;
დახასიათებულია ბოტანიკის ინსტიტუტის მცენარეთა გენეტიკური რესურსების განყოფილების მეცნიერისა და მცენარეთა გენეტიკური რესურსების ბანკის პარკოსანი კულტურების კურატორის მიერ.