ტრაპიზონი 1268 თამბაქო
საზოგადო სახელი: თამბაქო
სახესხვაობის სახელწოდება: Nicotiana tabacum var. fruticosa (L.) Hook. f.
ჯიშის სახელწოდება: ტრაპიზონი 1268 Nicotiana tabacum fruticosa ‘Trapizoni 1268’
წარმოშობა: ტრაპიზონი 1268 გამოყვანილია აღმოსავლეთ საქართველოს ადგილობრივი მასალიდან ლაგოდეხის მეთამბაქოეობის საცდელ სადგურში. გავრცელებული იყო საქართველოს აღმოსავლეთ რაიონებში და აზერბაიჯანში.
ჯიშის დახასიათება: საშუალო-საგვიანო ჯიშია. სავეგეტაციო პერიოდის ხანგრძლივობა 90-120 დღეა. თამბაქოს სამრეწველო კლასიფიკაციის მიხედვით ტრაპიზონი 1268 საპაპიროსე ტიპისაა. იძლევა ნეიტრალურ, საჩონჩხე, ღია ფერიას და საშუალო სიმაგრის მსუბუქ არომატიან ნედლეულს. მცენარის ფორმა ოვალურია, 120-140 სმ სიმაღლის. ფოთოლი ყუნწიანია, მიმაგრება ზეაღმართული, მოყვანილობა – ფართო ოვალური, წვერში უმნიშვნელო სიმახვილით, საშუალო სისქის. ფოთლის ფუძის დანამატი – ბიბილო მეტად ფართოა, მომრგვალებული და გაშლილი, ფოთლის რაოდენობა ერთ ძირზე 24-26, სიგრძე 25-40სმ, სიგრძის შეფარდება სიგანესთან 1,4-1,6:1. ყვავილედი ფარისებრი ფორმისაა, მეჩხერი და დიდი ზომის. მოსავლიანობა - 1,8-2,3ტ/ჰა.
დღევანდელი მდგომარეობა: დაცულია აგრარული უნივერსიტეტის მცენარეთა გენეტიკური რესურსების ბანკში, ასევე შესაძლებელია ინახებოდეს რუსეთის ვავილოვის სახელობის მემცენარეობის ს/კ ინსტიტუტში (VIR).
წყაროები: ბ გაბუნია, ნ. ჩხენკელი, ა. ჯაფარიძე, მემცენარეობა, თბილისი, 1959 წ;
Р. И. Подгорный, Растениеводство, Москва, 1963 г;
ა. ჯაფარიძე, მემცენარეობა, თბილისი, 1975 წ.