ურიშულა
ჯიშის სახელწოდება: ურიშულა
სინონიმი: უცნობია
წარმოშობა: რაჭა-ლეჩხუმი
მოკლე აღწერა:
ახალგაზრდა ყლორტი: შებუსულია, დაჰყვება მოწითალო რუხი ზოლები, გვირგვინზე ვარდისფერი ლაქები აყრია.
ზრდასრული ფოთოლი: საშუალო ზომისაა, მომრგვალო, სამ-, ხუთნაკვთიანი, საშუალოდ, ან ძლიერ დანაკვთული. ფოთლის ყუნწის ამონაკვეთი ღიაა, ჩანგისებური და თაღისებური, მომრგვალო ფუძით. კბილები სამკუთხედისებურია. ფოთლის ქვედა მხარე დაფარულია თხელი ქეჩისებური შებუსვით.
ყვავილი: ორსქესიანი.
მტევანი: პატარა ზომისაა, კონუსური, კუმსი. საშუალო წონა - 100 გ.
მარცვალი: მუქი წითელი ფერისაა, პატარა ზომის, მრგვალი, ცვილით დაფარული. კანი სქელია და მკვრივი, რბილობი წვნიანია, ჩვეულებრივი გემოთი. წვენი უფერულია.
ყურძნის წვენი: შაქრიანობა 18,0 -23,0 %, მჟავიანობა 7,0-11,0 გ/ლ.
მოსავლიანობა: 6,7 ტ/ჰა.
სამეურნეო მიმართულება: საღვინე.
ღვინის დახასიათება: ადგილობრივი მოხმარების სუფრის წითელი ღვინოა.
დამატებითი ინფორმაცია: ურიშულას ახასიათებს საშუალო ზრდა-განვითარება და საშუალო მოსავლიანობა. ყურძენი სრულ სიმწიფეში შედის სექტემბრის შუა რიცხვებში. ნაკლებად ავადდება სოკოვანი დაავადებებით.
დღევანდელი მდგომარეობა: საკოლექციო ჯიში.
წყაროები:
მიროტაძე ა., რაჭა-ლეჩხუმის ვაზის ჯიშები, მევენახეობა-მეღვინეობის კვლევითი ინსტიტუტის გამოცემა, თბილისი, 1939, გვ. 73-75;
ცერცვაძე ნ., საქართველოში გავრცელებული ვაზის ჯიშების სარკვევი, საქართველოს მებაღეობის, მევენახეობისა და მეღვინეობის ინსტიტუტის გამოცემა, თბილისი, 1987, გვ. 238;
Миротадзе А. В., Уришула, В: Ампелография СССР, Малораспространённые сорта винограда,Отв. Ред. Негруль А.М., Изд-во 'Пищевая промышленность', Москва,1966,Том III, ст. 273.
ავტორი: ეკატერინე აბაშიძე