საქართველოს აგრარული ბიომრავალფეროვნება

მთავარი
/
პროექტის შესახებ
/
კონტაქტი
 / 

ENG

კიკაჩა წითელი


ჯიშის სახელწოდება:კიკაჩა წითელი სინონიმი: უცნობია წარმოშობა: გურია
მოკლე აღწერა: ახალგაზრდა ყლორტი: ზრდასრული ფოთოლი: საშუალო ზომისაა, მომრგვალო, სამნაკვთიანი, მცირედ დანაკვთული. ყუნწის ამონაკვეთი ღიაა, ჩანგისებურია მომრგვალო ფუძით. კბილები ვიწრო სამკუთხედისებურია მცირედ ამოზნექილი გვერდებით. ფირფიტის ქვედა მხარე ძლიერად არის შებუსული,ქეჩისებურია. ყვავილი: ორსქესიანი. მტევანი: საშუალო ზომის, ცილინდრულ-კონუსური ფორმის, საშუალო სიკუმსის, საშუალო მასა - 145,0-150,0 გ. მარცვალი: საშუალო ზომის, მომრგვალო, შავი ფერის, მცირედ დაფენილი ცვილით. კანი მკვრივი. სასიამოვნო, ტკბილი გემოსი. წვენი შეუფერავი. უმეტესად ორწიპწიანი. ყურძნის წვენი: შაქრიანობა 19,8 %, მჟავიანობა 9,1 გ/ლ. მოსავლიანობა: 7,0-7,5 ტ/ჰა. სამეურნეო მიმართულება: საღვინე. ღვინის დახასიათება: ადგილობრივი მოხმარების სუფრის წითელი ღვინო.
დამატებითი ინფორმაცია: საგვიანო სიმწიფის პერიოდის ჯიშია. ვაზი საშუალო ზრდისაა. ძლიერ ზიანდება ნაცრით. დღევანდელი მდგომარეობა: საკოლექციო ჯიში. წყაროები: Рамишвили М.А., Кикача цители,В: Ампелография СССР, Малораспростра­ненные сорта винограда,Отв.ред. Негруль А.М.,Изд-во Пищевая Промышленность, Москва,1965,Том II,Ст. 133-134. ავტორი: ირმა მდინარაძე