ბეგლარის ყურძენი
ჯიშის სახელწოდება: ბეგლარის ყურძენი
სინონიმი: უცნობია
წარმოშობა: კახეთი
სინონიმი: უცნობია
წარმოშობა: კახეთი
მოკლე აღწერა:
ახალგაზრდა ყლორტი:
ზრდასრული ფოთოლი: საშუალო ზომის, თუმცა გვხვდება დიდი ზომის ფოთლებიც (20,5X19,0სმ). ფირფიტის ფორმა მომრგვალო. სამ-, ხუთნაკვთიანი, დანაკვთვა ღრმა. ყუნწის ამონაკვეთი დახურულია, ჩანგისებური ფორმის. ზედაპირი ამობურცული და დანაოჭებულია. ფოთლის ქვედა მხარე შებუსულია თხელი აბლაბუდისებური ბუსუსით. წვეროები ოდნავ დახრილია ქვემოთ. კიდეები დაკბილულია დიდ-პატარა სამკუთხედისებური კბილებით. ყუნწი მთავარ ძარღვზე მოკლეა, მწვანე ფერის და მოწითალო ზოლები გასდევს.
ყვავილი: ორსქესიანი.
მტევანი: დიდი ზომის (22,0X12,0 სმ). მტევნის წონა 300-350 გ. ცილინდრული ან ცილინდრულ-კონუსური ფორმის, კუმსი, ახასიათებს წვრილმარცვლიანობა. მარცვლების რაოდენობა მტევანში 285 ცალი.
მარცვალი: მოყვითალო ფერის, მრგვალი, ოდნავ შებრტყელებული წვეროთი, ზომით 1,7X1,7სმ. კანი რბილი და ელასტიკური, ადვილად სცილდება რბილობს, დაფარულია ცვილით. რბილობი საკმაოდ წვნიანია, ჯიშური არომატი არ იგრძნობა. მარცვალში 2-3 წიპწაა, მომრგვალო კარგად გამოხატული ნისკარტით და ღარით, რომლითაც იგი თითქმის ორადაა გაყოფილი.
ყურძნის წვენი: შაქრიანობა 14,0-20,0%, მჟავიანობა 6,0-13,0 გ/ლ.
მოსავლიანობა: მაღალი.
სამეურნეო მიმართულება: საღვინე.
ღვინის დახასიათება: გამოიყენება სუფრის თეთრი მშრალი და საკუპაჟე ღვინოების დასაყენებლად.
დამატებითი ინფორმაცია: საგვიანო სიმწიფის საღვინე ჯიში. ზრდის სიძლიერე საშუალო. სოკოვან დაავადებათა მიმართ ახასიათებს საშუალო გამძლეობა.
დღევანდელი მდგომარეობა: საკოლექციო ჯიში.
წყაროები:
ქურთიაშვილი ო., ამბროსიძე გ., დათუაშვილი ნ., გიორგობიანი ნ., ჩიკვაიძე ლ. მცირედ გავრცელებული ვაზის კახური ჯიშების შესწავლის საკითხისათვის, წიგნში: ვაზისა და ხეხილის გენოფონდი საქართველოში, სამეცნიერო შრომების კრებული, რედ. მაღრაძე დ., მდინარაძე ი. მებაღეობის, მევენახეობის და მეღვინეობის ინსტიტუტის გამომცემლობა, თბილისი, 2008, გვ. 62-69.
Табидзе Д., Бегларис курдзени, В Ампелография СССР, Справочный том, Отв. Ред. Негруль А.М., Изд-во 'Пищевая промышленность', Москва, 1970, стр. 46.
ავტორი: დავით მაღრაძე