გრეხი
ჯიშის სახელწოდება: გრეხი
სინონიმი: უცნობია
წარმოშობა: სამეგრელო
მოკლე აღწერა:
ახალგაზრდა ყლორტი:
ზრდასრული ფოთოლი: საშუალო ზომის, მომრგვალო, სამ-, ხუთნაკვთიანი, საშუალოდ დანაკვთული. ფოთლის ყუნწის ამონაკვეთი ღიაა, ჩანგისებური, მომრგვალო ფუძით. კბილები ვიწრო სამკუთხედისებური და სამკუთხედისებურია. ფოთლის ქვედა მხარე დაფარულია სქელი ქეჩისებური შებუსვით.
ყვავილი: ორსქესიანი.
მტევანი: საშუალო ზომის, ცილინდრულ-კონუსური, საშუალო სიკუმსის. საშუალო წონა - 170 გ.
მარცვალი: შავი, საშუალო სიდიდის, მომრგვალო, ცვილით დაფარული. კანი -მკვრივი. რბილობი - წვნიანი და ხორციანი, ჩვეულებრივი გემოსი.
ყურძნის წვენი: შაქრიანობა - 21,5 %, მჟავიანობა- 8,5 გ/ლ.
მოსავლიანობა: 2,4 კგ/ძირზე.
სამეურნეო მიმართულება: საღვინე.
ღვინის დახასიათება: ადგილობრივი მოხმარების, სუფრის წითელი ღვინო, ჰარმონიული, ალკოჰოლის საკმაოდ მაღალი შემცველობით.
დამატებითი ინფორმაცია: გრეხი ხასიათდება საშუალო ზრდა-განვითარებით და კარგი მოსავლიანობით. ყურძენი სრულ სიმწიფეში შედის ოქტომბრის შუა რიცხვებში. სუსტ გამძლეობას იჩენს სოკოვან დაავადებათა მიმართ.
დღევანდელი მდგომარეობა: საკოლექციო ჯიში.
წყაროები:
ცერცვაძე ნ., საქართველოში გავრცელებული ვაზის ჯიშების სარკვევი, საქართველოს მებაღეობის, მევენახეობისა და მეღვინეობის ინსტიტუტის გამოცემა, თბილისი, 1987, გვ. 232;
Рамишвили М. А., Грехи. В: Ампелография СССР, Малораспространённые сорта винограда, Отв. Ред. Негруль А.М., Изд-во 'Пищевая промышленность', Москва, 1963, Том I, ст. 376-377.
ავტორი: ეკატერინე აბაშიძე