კირწწითლა
ჯიშის სახელწოდება: კირწწითლა
სინონიმი: უცნობია
წარმოშობა: რაჭა
სინონიმი: უცნობია
წარმოშობა: რაჭა
მოკლე აღწერა:
ზრდასრული ფოთოლი: საშუალო ზომისაა, მომრგვალო, სამნაკვთიანი, მცირედ დანაკვთული. ყუნწის ამონაკვეთი დახურულია, ელიფსური ფორმის ამონაკვეთით და მახვილი ფუძით ან ღიაა - ჩანგისებურია მახვილი ფუძით. კბილები სამკუთხედისებურია მომრგვალებული წვერით. ფირფიტის ქვედა მხარე შებუსულია ქეჩისებურად.
ყვავილი: ორსქესიანი.
მტევანი: მცირე ზომის, ცილინდრულ-კონუსური ფორმის, ძალიან კუმსი, საშუალო მასა შეადგენს 100,0 გ.
მარცვალი: მცირე ზომის, მომრგვალო, მუქი წითელი - თითქმის შავი ფერის. კანი მკვრივი. რბილობი წვნიანი. წვენი შეუფერავი. უმეტესად ორწიპწიანი.
ყურძნის წვენი: შაქრიანობა 18,0-20,0 %, მჟავიანობა 10,0-12,0 გ/ლ.
მოსავლიანობა: 6,5 ტონა/ჰექტარზე.
სამეურნეო მიმართულება: საღვინე.
ღვინის დახასიათება: ადგილობრივი მოხმარების სუფრის წითელი ღვინო.
დამატებითი ინფორმაცია: საშუალო სიმწიფის პერიოდის ჯიშია. ვაზი საშუალო ზრდისაა. სოკოვან დაავადებათა მიმართ ნაკლებად გამძლეა.
დღევანდელი მდგომარეობა: საკოლექციო ჯიში.
წყაროები:
ცერცვაძე ნ., 1987. საქართველოში გავრცელებული ვაზის ჯიშების სარკვევი. საქართველოს მებაღეობის, მევენახეობისა და მეღვინეობის ინსტიტუტის გამოცემა. თბილისი. გვ. 230.
Миротадзе А.В., Кирцитела. В: Ампелография СССР, Малораспространенные сорта винограда, Отв. ред. Негруль А.М.,Изд-во Пищевая Промышленность, Москва,1965,Том II,Ст. 136.
ავტორი: ირმა მდინარაძე