ვერტყვიჭალის თეთრი
ჯიშის სახელწოდება: ვერტყვიჭალის თეთრი
სინონიმი: უცნობია
წარმოშობა: იმერეთი
სინონიმი: უცნობია
წარმოშობა: იმერეთი
მოკლე აღწერა:
ახალგაზრდა ყლორტი:
ზრდასრული ფოთოლი: საშუალო ან დიდი ზომისაა, მომრგვალო ან გულის ფორმის, საშუალოდ დანაკვთული, ხუთნაკვთიანი, იშვიათად, სამნაკვთიანი. ფოთლის ყუნწის ამონაკვეთი დახურული, მომრგვალო ფუძით, ზოგჯერ ღია, ჩანგისებური, მახვილი ფუძით. ფოთლის ქვედა მხარე დაფარულია საშუალო აბლაბუდისებური-ჯაგრისებური შებუსვით.
ყვავილი: ორსქესიანი.
მტევანი: საშუალო ზომის, კონუსური, იშვიათად ცილინდრულ-კონუსური, ფრთიანი, საშუალო სიკუმსის ან თხელი.
მარცვალი: მოყვითალო, სრულ სიმწიფეში ქარვისფერი, საშუალო ზომის, მომრგვალო. რბილობი - წვნიანი და ხორციანი.
ყურძნის წვენი: შაქრიანობა 19-21 %, მჟავიანობა 8-10 გ/ლ.
მოსავლიანობა: მაღალი.
სამეურნეო მიმართულება: საღვინე.
ღვინის დახასიათება: სუფრის თეთრი ღვინო.
დამატებითი ინფორმაცია: ვერტყვიჭალის თეთრს ახასიათებს ძლიერი ზრდა-განვითარება. ყურძენი სრულ სიმწიფეში შედის ოქტომბრის შუა რიცხვებიდან. სუსტ გამძლეობას იჩენს სოკოვან დაავადებათა მიმართ.
დღევანდელი მდგომარეობა: საკოლექციო ჯიში.
წყაროები:
ცერცვაძე ნ., საქართველოში გავრცელებული ვაზის ჯიშების სარკვევი, საქართველოს მებაღეობის, მევენახეობისა და მეღვინეობის ინსტიტუტის გამოცემა, თბილისი, 1987, გვ.226;
Табидзе Д. И., Вертквичалис тетри, В: Ампелография СССР, Справочный Том, Отв. Ред. Негруль А.М., Изд-во 'Пищевая промышленность', Москва, 1970, ст. 72.
ავტორი: ეკატერინე აბაშიძე