ხოტეურა
ჯიშის სახელწოდება: ხოტეურა
სინონიმი: უცნობია
წარმოშობა: რაჭა
მოკლე აღწერა:
ახალგაზრდა ყლორტი: შებუსულია, ზრდის კონუსსა და პირველ-მეორე ფოთოლს ნაპირებზე ემჩნევა ვარდისფერი ლაქები. მეორე და მესამე ფოთლები ოქროსფერია.
ზრდასრული ფოთოლი: საშუალო ზომისაა, მომრგვალო, სამ-, ხუთნაკვთიანი, ღრმად დანაკვთული. ყუნწის ამონაკვეთი დახურული ანმთლიანად დახურულია, იშვიათად ღია, ჩანგისებური, ერთი დეზით. კბილები სამკუთხედისებრია, ფართო ფუძით, მცირედ ამოზნექილი გვერდებით. ფოთლის ქვედა მხარე დაფარულია სქელი აბლაბუდისებური შებუსვით.
ყვავილი: მდედრობითი.
მტევანი: საშუალო ზომის, კონუსური, თხელი ან ძალიან თხელი. საშუალო წონა - 100-125 გ.
მარცვალი: მუქი წითელი, საშუალო სიდიდის, მომრგვალო. კანი სქელი, ცვილის სქელი ნაფიფქით. რბილობი ხორციანია, ნაკლებად წვნიანი, ჩვეულებრივი გემოსი.
ყურძნის წვენი: შაქრიანობა 17-18 %, მჟავიანობა 11-14 გ/ლ.
მოსავლიანობა: 1,65 - 2,0 კგ/ძირზე.
სამეურნეო მიმართულება: საღვინე.
ღვინის დახასიათება: საშუალო ხარისხის სუფრის წითელი ღვინოა, მსუბუქი, ცოცხალი გემოთი.
დამატებითი ინფორმაცია: ხოტეურას ახასიათებს საშუალო ზრდა-განვითარება და საშუალო მოსავლიანობა. ყურძენი სრულ სიმწიფეში შედის სექტემბრის შუა რიცხვებიდან. ძალიან ზიანდება სოკოვანი დაავადებებით.
დღევანდელი მდგომარეობა: საკოლექციო ჯიში.
წყაროები:
მიროტაძე ა., რაჭა-ლეჩხუმის ვაზის ჯიშები, მევენახეობა-მეღვინეობის კვლევითი ინსტიტუტის გამოცემა, თბილისი, 1939, გვ. 83-85;
ცერცვაძე ნ., საქართველოში გავრცელებული ვაზის ჯიშების სარკვევი, საქართველოს მებაღეობის, მევენახეობისა და მეღვინეობის ინსტიტუტის გამოცემა, თბილისი, 1987, გვ. 247;
Миротадзе А. В., Хотеура. В: Ампелография СССР, Малораспространённые сорта винограда, Отв. Ред. Негруль А.М., Изд-во ' Пищевая промышленность', Москва, Том III,1966, ст. 352-353.
ავტორი: ეკატერინე აბაშიძე