მაჭყვატური
ჯიშის სახელწოდება: მაჭყვატური
სინონიმი: უცნობია
წარმოშობა: სამეგრელო
სინონიმი: უცნობია
წარმოშობა: სამეგრელო
მოკლე აღწერა:
ახალგაზრდა ყლორტი:
ზრდასრული ფოთოლი: საშუალო ზომის, მომრგვალო, სამ-ხუთნაკვთიანი, სუსტად ან საშუალოდ დანაკვთული. ფოთლის ყუნწის ამონაკვეთი ღიაა, ჩანგისებური, მომრგვალებული ფუძით, იშვიათად დახურული, მახვილი ფუძით. კბილები ვიწრო, სამკუთხედისებური ან სამკუთხედისებური-ხერხისებურია. ფოთლის ქვედა მხარე დაფარულია სქელი ქეჩისებური შებუსვით.
ყვავილი: ორსქესიანი.
მტევანი: საშუალო ზომის, ცილინდრულ-კონუსური, ზოგჯერ ფრთიანი, თხელი, იშვიათად საშუალო სიკუმსის. საშუალო წონა - 148 გ.
მარცვალი: მუქი ლურჯი, საშუალო სიდიდის, მომრგვალო, მცირედ ოვალური, ცვილის სქელი ნაფიფქით. კანი - სქელი და მკვრივი. რბილობი წვნიანია, სასიამოვნო, ტკბილი გემოთი.
ყურძნის წვენი: შაქრიანობა 20,8%, მჟავიანობა 8,7 გ/ლ.
მოსავლიანობა: 2,5 კგ/ძირზე.
სამეურნეო მიმართულება: საღვინე.
ღვინის დახასიათება: სუფრის წითელი ღვინო, ჰარმონიული, სასიამოვნო, ალკოჰოლის ნორმალური შემცველობით.
დამატებითი ინფორმაცია: მაჭყვატური ხასიათდება საშუალო ზრდა-განვითარებით და კარგი მოსავლიანობით. ყურძენი სრულ სიმწიფეში შედის ოქტომბრის დასაწყისში. სუსტ გამძლეობას იჩენს სოკოვან დაავადებათა მიმართ.
დღევანდელი მდგომარეობა: საკოლექციო ჯიში.
წყაროები:
ცერცვაძე ნ., საქართველოში გავრცელებული ვაზის ჯიშების სარკვევი, საქართველოს მებაღეობის, მევენახეობისა და მეღვინეობის ინსტიტუტის გამოცემა, თბილისი, 1987, გვ. 232.
Рамишвили М. А., Мачкватури, В: Ампелография СССР, Малораспространённые сорта винограда,Отв. Ред. Негруль А.М., Изд-во 'Пищевая промышленность', Москва,1966,Том III, ст. 344-345.
ავტორი: ეკატერინე აბაშიძე