ხიხვა
ჯიშის სახელწოდება: ხიხვა
სინონიმი: უცნობია
წარმოშობა: რაჭა-ლეჩხუმი
სინონიმი: უცნობია
წარმოშობა: რაჭა-ლეჩხუმი
მოკლე აღწერა:
ახალგაზრდა ყლორტი: ზრდის კონუსი და პირველი სამი ფოთოლი შებუსულია. ვარდისფერი ლაქები მხოლოდ პირველ ფოთოლს ემჩნევა.
ზრდასრული ფოთოლი: საშუალო ზომისაა, ოვალური, სამ-, ხუთნაკვთიანი, ძლიერ დანაკვთული. ფოთლის ყუნწის ამონაკვეთი ღიაა, ჩანგისებური, მომრგვალებული ფუძით, ხშირად ძარღვებით შემოსაზღვრული. კბილები სამკუთხედისებურია, მცირედ ამოზნექილი გვერდებით. ფოთლის ქვედა მხარე დაფარულია თხელი ქეჩისებური შებუსვით.
ყვავილი: ორსქესიანი.
მტევანი: პატარა ზომის, ცილინდრული, ძალიან კუმსი. საშუალო წონა -75 გ.
მარცვალი: მომწვანო ფერის, საშუალო ზომის, ოვალური, ცვილის თხელი ნაფიფქით დაფარული. კანითხელი და მკვრივი. რბილობი წვნიანი, ჩვეულებრივი გემოთი.
ყურძნის წვენი: შაქრიანობა 19-20 %, მჟავიანობა7-8 გ/ლ.
მოსავლიანობა: 1,0 კგ/ძირზე.
სამეურნეო მიმართულება: საღვინე.
ღვინის დახასიათება: ადგილობრივი მოხმარების სუფრის თეთრი ღვინოა, ცოცხალი, მსუბუქი, საშუალო გემოვნებითი თვისებებით.
დამატებითი ინფორმაცია: ხიხვას ახასიათებს საშუალო ზრდა-გავნითარება და მცირე მოსავლიანობა.ყურძენი სრულ სიმწიფეში შედის სექტემბრის ბოლოს. სოკოვანი დაავადებების მიმართ საშუალო გამძლეობა ახასიათებს.
დღევანდელი მდგომარეობა: საკოლექციო ჯიში.
წყაროები:
მიროტაძე ა., რაჭა-ლეჩხუმის ვაზის ჯიშები. მევენახეობა-მეღვინეობის კვლევითი ინსტიტუტის გამოცემა, თბილისი, 1939, გვ. 123-126;
ცერცვაძე ნ. ვ., საქართველოში გავრცელებული ვაზის ჯიშების სარკვევი, საქართველოს მებაღეობის, მევენახეობისა და მეღვინეობის ინსტიტუტის გამოცემა, თბილისი, 1987, გვ. 247;
Миротадзе А.В.,Хихва. В: Ампелография СССР. Малораспространённые сорта винограда,Отв. Ред. Негруль А.М., Изд-во 'Пищевая промышленность', Москва, Том III,1966,ст. 340-341.
ავტორი: ეკატერინე აბაშიძე