საქართველოს აგრარული ბიომრავალფეროვნება

მოკლე აღწერა: ფარავნის კობრი ძვირფასი სარეწაო თევზია. ახასიათებს სწრაფი ზრდა და მაღალი პროდუქტიულობა. ცოცხლობს 30 წლამდე. მისი სიგრძე აღწევს 1 მ-ს, წონა- 20კგ-მდე. სქესობრივად მდედრი მწიფდება 3-4 წლის ასაკში, მამრი 1 წლით ადრე. მწარმოებელი ყველაზე პროდუქტიული და ნაყოფიერია 5-12 წლის ასაკში, მდედრი საშუალოდ იძლევა 1 მლნ-მდე ქვირითს. ტოფობს ზაფხულში, როდესაც წყლის ტემპერატურა +180C-ს აჭარბებს. ამ დროს თევზი მასობრივად, ჯგუფურად გადის თავთხელ, სიღრმით 40-დან-50 სანტიმეტრამდე წყალში, უმეტესად გაბალახებულ ადგილებში. საქვირითოდ გასულითი თოეული ჯგუფი შედგება ერთი მომწიფებული მდედრისაგან და რამდენიმე (საშუალოდსამი) მამრისგან. როგორც წესი, ქვირითობა იწყება საღამოობითდადილამდე გრძელდება. ეს პროცესი მიმდინარეობს ხმაურით- თევზის ბოლოს ტყლაშუნის ხმაზე. ქვირითი წებოვანია. განაყოფიერებული ქვირითიდან ლარვები 3-4დღეში იჩეკებიან. ერთ სეზონზე მრავალჯერადად მოქვირითე თევზია. ყველაფრისმჭამელი თევზია, მაგრამ მისთვის რჩეული საკვები ფსკერის ორგანიზმებია. იმავდროულად ასევე, წარმატებით იკვებება ზოოპლანქტონით დანაწილობრივ ფიტოპლანქტონით, ხოლო ზოგჯერ ჭამს სხვადსხვა მცირე ზომის თევზებს, ლიფსიტებს, ქვირითს და სხვ. კარგად ეგუება ზამთარში ფარავნის ტბის მთელი ზედაპირის გაყინვას. არსებული ინფორმაციით, კობრის ეს სახეობა ფარავნიდან ტაბაწყურის ტბაში ინტროდუცირებულ იქნა 1956 წელს.