საქართველოს აგრარული ბიომრავალფეროვნება

საზოგადო სახელი: შამაია ლათინური დასახელება: Chalcalburnus chalcoides სახეობა: შამაია წარმოშობა: შამაია კობრისებრთა ოჯახის ყველაზე ღირებული თევზია; მისი სახელი სპარსულიდან მომდინარეობს და ნიშნავს სამეფო თევზს („შაჰ-მაჰ“ანუ სამეფო თევზი). დღევანდელი მდგომარეობა: საქართველოში ბინადრობს მტკვრის აუზში. ზემო ავჭალის ჰიდროელექტროსადგურის აშენებამდე ადიოდა თბილისის ზევით არაგვში და აღწევდა ანანურამდე, შედიოდა ხრამში და მის შენაკად მაშავერაში. მდ. ალაზანში ადიოდა ნაფარეულამდე, ასევე შედიოდა მდ. იორში. ამჟამად მინგეჩაურის წყალსაცავიდან უფრო მასობრივად ამოდის: მტკვარში, ალაზანში, იორში, გვხვდება თბილისის წყალსაცავსა და ჯანდარის ტბაში; გარდა საქართველოს წყლებისა, ბინადრობს კასპიის ზღვაში, აგრეთვე აზერბაიჯანისა და სომხეთის მტკნარ წყლებში. გასული საუკუნის 90-იან წლებამდე ჩვენში ამ თევზს სერიოზული სარეწაო მნიშვნელობა ჰქონდა. შემწვარი შამაია მეტად გემრიელია, შებოლილი კი განსაკუთრებულად ღირებულ დელიკატესს წარმოადგენს. დღეისთვის ამ სახეობაზე სამოყვარულო თევზჭერა მკაცრად რეგლამენტირებულია და ნებადართულია 1 სექტემბრიდან 1 აპრილამდე. შეტანილია ბერნის კონვენციის მესამე დანართში (დაცული ფაუნა). წყაროები: საქართველოს მტკნარი წყლის თევზები (ატლასი). თბილისი,"მეცნიერება",1970; საქართველოს თევზები - კრებული , გამომცემლობა: „წიგნი+ერი“, 2013; http://www.geofauna.ge/tevzebis%20samyaro/tevzis%20jishebi%20saqartveloshi/shamaia/shamaia.html (16.01.2014); http://gigol.net/2064/ (16.01.2014); http://concordtravel.ge/portal/alias_concordtravel/lang_ka-GE/tabid_1440/default.aspx; (17.01.2014).