სამსუნი (მწარის) 1857 თამბაქო
სახესხვაობის სახელწოდება: Nicotiana tabacum var. fruticosa (L.) Hook. f.
ჯიშის სახელწოდება: სამსუნი (მწარის) 1857 Nicotiana tabacum fruticosa ‘Samsuni (Mtsaris) 1857’
წარმოშობა: „სამსუნი 1857“ გავრცელებული იყო საქართველოში აფხაზეთის დაბალ და საშუალო ზონაში და აჭარაში, ასევე აზერბაიჯანში. ეს ჯიში გამოყვანილია აფხაზეთის სასოფლო-სამეურნეო საცდელ სადგურში გუდაუთის რაიონის სოფ. მწარის ადგილობრივი მასალიდან ჰიბრიდიზაციის გზით.
ჯიშის დახასიათება: სამრეწველო კლასიფიკაციის მიხედვით საპაპიროსე თამბაქოს ტიპია. საგვიანო ჯიშია. გადარგვიდან წვეროს ფოთლის მომწიფებამდე საჭიროა 120-125 დღე. მცენარის ფორმა ოვალურ-ელიფსურია ან თითქმის ცილინდრული. ფოთლების მდგომარეობა ღეროზე გამოშვერილი. ყვავილედი ფარისებრი ფორმისაა, საშუალო ზომის, მცენარის სიმაღლე ყვავილედით 140-180სმ-მდე. ფოთოლი ყუნწიანია. ფირფიტის ფორმა ფართო ოვალურია, გულისებრი, ასიმეტრიული წვერით. ფოთლის ზედაპირი წვრილად ან საშუალოდ დაბურცულია, ბიბილო დიდი ზომისააა, წაგრძელებული, ნაოჭიანი, ღეროზე მთლიანად არ არის შემოხვეული. ფოთლების რაოდენობა ერთ ძირზე 40-50-ია. ფოთლის სიგრძეა 15-22სმ. სიგრძე-სიგანის შეფარდება უდრის 1,5 - 1,7:1. იძლევა არომატულ და გემოვან ნედლეულს. მოსავლიანობაა 1-1,6 ტ/ჰა.
დღევანდელი მდგომარეობა: დაცულია აგრარულიუნივერსიტეტისმცენარეთაგენეტიკურირესურსებისბანკში, ასევე შესაძლებელია ინახებოდეს რუსეთის ვავილოვის სახელობის მემცენარეობის ს/კ ინსტიტუტში (VIR).
დამატებითი ინფორმაცია: სამსუნი 27-თან შედარებით, იძლევა ნაკლებადგემოიან ნედლეულს.
წყაროები: ბ. გაბუნია, ნ. ჩხენკელი, ა. ჯაფარიძე, „მემცენარეობა“, თბილისი, 1959წ.