ტრაპიზონი 285 თამბაქო
სახესხვაობის სახელწოდება: Nicotiana tabacum var. fruticosa (L.) Hook. f.
ჯიშის სახელწოდება: ტრაპიზონი 285 (ლაგოდეხის ტრაპიზონი)
Nicotiana tabacum fruticosa ‘Trapizoni 285 (Lagodekis Trapizoni)’
წარმოშობა: დარაიონებულია აღმოსავლეთ საქართველოს ლაგოდეხის, მარნეულისა და ბოლნისის რაიონებში 1957 წლიდან, გავრცელებული იყო ასევე აზერბაიჯანში. გამოყვანილია აღმისავლეთ საქართველოში შეგროვებული ადგილობრივი ფორმებიდან, ინდივიდუალური გამორჩევის გზით, ლაგოდეხის მეთამბაქოეობის საცდელ სადგურში.
ჯიშის დახასიათება: თამბაქოს კლასიფიკაციის მიხედვით აღნიშნული ჯიში საპაპირისე ტიპისაა. ლაგოდეხის ტრაპიზონი 285 იძლევა კარგი გემოს საჩოჩხე ყვითელ-ნარინჯისფერ ნედლეულს. საშუალო ვეგეტაციის ჯიშია, ხანგრძლივობა - 125 დღეა. მცენარე ოვალური ფორმისაა - 150 სმ სიმაღლის. ფართო ოვალური ფორმის ფოთლებით, დიდი ყუნწითა და მახვილი წვეროთი, ზედაპირი გლუვია. დამატებითი ბიბილოთი. ფოთლის სიგრძე - 40-45სმ, სიგრძე-სიგანის შეფარდება 1,5:1,0-თან. ერთ ძირზე ფოთლების რაოდენობა 24-32-ია. ყვავილედი ფარისებრი.
დღევანდელი მდგომარეობა:დაცულია აგრარულიუნივერსიტეტისმცენარეთაგენეტიკურირესურსებისბანკში, ასევე შესაძლებელია ინახებოდეს რუსეთის ვავილოვის სახელობის მემცენარეობის ს/კ ინსტიტუტში (VIR).
დამატებითი ინფორმაცია: სასაქონლე ღირსებით აღნიშნული ჯიში მცირედ ჩამორჩება ტრაპიზონ 1268-ს.
წყაროები: Н. А. Майсурян, Растениеводство, Москва, 1954 г;
ა. ჯაფარიძე, მემცენარეობა, თბილისი, 1975 წ;
გ. ბადრიშვილი, მემცენარეობა, თბილისი, 1981 წ.