ქართლის ხახვი
საზოგადო სახელი: ხახვი
სახეობის სახელწოდება: Allium cepa L.
ჯიშის სახელწოდება: ქართლის - Allium cepa ‘ Kartlis’
წარმოშობა: შიდა ქართლის რეგიონი. დარაიონებულია 1962 წლიდან IX, XII, XIX, XX და XXII ზონებისთვის.
ჯიშის დახასიათება: საშუალო საგვიანო ჯიშია. სავეგეტაციო პერიოდი 110–120 დღეა. ბოლქვი მობრტყელო მრგვალია, ყელთან ოდნავ ამოზნექილი.ძირითადად გვხვდება ერთბუდიანი ფორმები,იშვიათად ორბუდიანიც. გარეგანი ქერქლები ვარდისფერია,როგორც მორფოლოგიური,ისე სამეურნეო-ბიოლოგიური თვისებების მიხედვით, იგი ძალიან გავს სხვილისის ხახვს. როგორც ჩანს, სხვილისის ხახვი თავისი წარმოშობით და განვითარებით დაკავშირებული უნდა იყოს ქართლის ხახვთან.
ქართლის ხახვი უხვმოსავლიანია სარწყავ პირობებში - 20ტ/ჰა. ურწყავში ძალიან დაბალ მოსავალს გვაძლევს. ნახევრად ცხარეა,მავნებლებისა და დაავადებების მიმართ კარგი გამძლეა.
დღევანდელი მდგომარეობა: არ არსებობს დაზუსტებული ინფორმაცია.
წყაროები: : გ.ესიტაშვილი, ხახვის კულტურა საქართველოში, თბილისი, 1952 წ.
ირ. მაჭავარიანი, ბოსტნეული და ბაღჩეული კულტურების მეთესლეობა, თბილისი, 1998 წ.