საქართველოს აგრარული ბიომრავალფეროვნება

ჯიშის დახასიათება: ჯიში „სვენეთურა“ საშუალო–საგვიანოა. სავეგეტაციო პერიოდი დარგვიდან ნაყოფის პირველ კრეფამდე 95–100 დღეა, ხოლო თესლის მომწიფებამდე 133 დღე. ბუჩქი ძლიერი ზრდისაა, მაგრამ ნაკლებად დატოტვილი, საშუალო სიმაღლის 35–60სმ, ნახევრადგადაშლილი. ფოთოლი მწვანე, ნაყოფი ჩამოკიდებული ცილინდრული, გარდიგარდმო ტალღისებური.ნნაყოფის წვერო წაგრძელებული 2–3 კამერიანი, ტექნიკურ სიმწიფეში მწვანე, ბიოლოგიურ სიმწიფეში წითელი. კედლის სისქე 1,4–1,7მმ. ნაყოფის კანი ნაზი. სიგრძე 17,5–32,5 სმ. სიფართე 1,2 სმ. ნაყოფის საშუალო წონა 18 გრ. საუკეთესო გემური თვისებებით, ნახევრად ცხარე, მრავალ თესლიანი.
ნაყოფი შეიცავს მშრალ ნივთიერებას ტექნიკურ სიმწიფეში 9,88 %–ს, ბიოლოგიურ სიმწიფეში –16,6%, შაქრებს ბიოლოგიური სიმწიფის პერიოდში–7,77%, ვიტამინ ჩ-ს ტექნიკურ სიმწიფეში 22,15 მილ.გრსს, ბიოლოგიურ სიმწიფეში – 22,0 მილ.გრ-ს. ნაყოფი ტრანსპორტაბელურია და ინახება ხანგრძლივად. პროდუქცია კარგი მასალაა საკონსერვო მრეწველობისთვის.
ჯიში სვენეთურა გამოყვანილია ადგილობრივი ჯიშ–პოპულაციიდან ინდივიდიალური შერჩევის მეთოდით, მიწათმოქმედების ინსტიტუტის გორის საცდელ სადგურში.