საქართველოს აგრარული ბიომრავალფეროვნება

ჯიშის დახასიათება: ჯიში საშუალო პერიოდის სიმწიფისაა. კახეთის ადგილობრივი ჯიშ- პოპულაციაა. კარგი ტრანსპორტაბელურია. საუკეთესო გემური თვისებებით. ღერო მხოხავია, 4–5 მეტრის, ძლიერ დატოტვილი. ფოთოლი გრძელყუნწიანი, ფირფიტა საშუალოდ დანაკვთული. ყვავილები - ერთსქესიანი. გვირგვინის ფურცელი ყვითელი. ჯვარედინდამამტვერიანებელი ერთწლიანი მცენარეა. ნაყოფის ფორმა: გრძელი, ცილინდრული და ზოგჯერ კვერცხისებურია. ინდექსი 1,75–2,5. ნაყოფის საშუალო წონაა 6–7 კგ. ზედაპირი გლუვია, უმნიშვნელოდ დასეგმენტებული. ნიადაგზე ნადები მხარე ყვითელია. ქერქი - სქელი, საშუალოდ 1,2–1,6 სმ. სისქის. მკვრივი. ნაყოფის ფერი კრიალა შავია, ზოგჯერ მოლურჯო, მუქი მწვანე. რბილობი უძარღვო, წვნიანი, ხრაშუნა, ტკბილი. საერთო შაქარი 8,6%, აქედან საქაროზა 2,5–3,1%, გლუკოზა – 1,7%, ფრუქტოზა 2,47%. გამოყენებული რბილობის რაოდენობა საშუალოდ 57%-ია, ქერქი – 41%–მდე, თესლი კი – 1,83%, რბილობის ფერი მოწითალო–მოვარდისფროა. თესლი საშუალო სიდიდისაა, მოგრძო ოვალური, შავი, ზოგჯერ მუქი ყავისფერი ან მოწითალო. საშუალო სიდიდის ნაყოფი შეიცავს 800–900 ცალ თესლს.