საქართველოს აგრარული ბიომრავალფეროვნება

ჯიშის დახასიათება: საშუალო–საგვიანო ჯიშია. აღმოცენებიდან ნაყოფის მომწიფებამდე მცენარეს სჭირდება 125 დღე / პირველ კრეფამდე /.
ივითარებს ნორმალური ფორმის, საშუალო სიგრძის (60-70 სმ.) დეტერმინანტულ, ნახევრად გაშლილ, საშუალო დატოტვისა და შეფოთვლის ბუჩქს,ფოთოლი მუქი მწვანეა,საშუალო სიდიდის და დანაოჭების.ნაყოფი მობრტყო-მომრგვალოა, მტევნად შეკრებილი (2-5 ცალი) მოწითალო-ნარინჯისფერი, რბილობი წითელი ან მოწითალო ნარინჯისფერია, გლუვზედაპირიანი, მრავალბუდიანი, კარგი გემური თვისებებით და მშრალი ნივთიერების მაღალი შემცველიბით (5-6%). ნაყოფი გამოიყენება, როგორც სასალათედ, ასევე საკონსერვოდ. უხვმოსავლიანი ჯიშია.
გამოყვანილია ქუთაისის მებოსტნეობის სასელექციო საცდელ სადგურში ჰიბრიდიზაციისა და შემდეგ საუკეთესოების გამორჩევის გზით.