საქართველოს აგრარული ბიომრავალფეროვნება

ჯიშის დახასიათება: ჯიში “გორულის“ სავეგეტაციო პერიოდი 110–130 დღეა. ვარგისია როგორც საშემოდგომო, ისე საგაზაფხულო რგვისათვის, მაგრამ უმჯობესია შემოდგომით დარგვა. ბოლქვის ფორმა მომრგვალო–ბრტყელია, ოდნავ ზემოთ ამოწეული. ინდექსი 0,7–0,75. ბოლქვის გარეთა ქერქლები თეთრი-მოიისფრო შეფერილობისაა, კბილები მსხვილია 7–12 ცალი. კბილის მშრალი ქერქლის შეფერვა ნაცრისფერი–მოყვითალო, გარეთა მხარე იასამნისფერია და ხაოიანი. რბილობის ქერქლები კრემისფერია. ერთი თავი ნივრის მასა საშუალოდ 58 გრამია.
გემრიელი არომატული ნიორია, შეიცავს მშრალ ნივთიერებას - 38,1%-ს, ვიტამინებს -18,3 მილიგრამს 100 გრ-ზე, შაქარს 19,15%-ს, ეთერზეთებს 0,22%-ს. მაღალმოსავლიანი ჯიშია. საკონკურსო ჯიშთა გამოცდაში სამი წლის / 1978–1981/ საშუალო მოსავლიანობაა - 18,2 ტ/ჰა, რაც სტანდარტ „გორულ ადგილობრივს“ აღემატებოდა 4,2 ტ / ჰა–ზე.
საქართველოს მიწათმოქმედების გორის საცდელი სადგურის ჯიშია, გამოყვანილია გამორჩევით ადგილობრივ ჯიშ–პოპულაციიდან.