საქართველოს აგრარული ბიომრავალფეროვნება

ჯიშის დახასიათება: საგვიანო ჯიშია. სავეგეტაციო პერიოდის ხანგრძლივობა 140–165 დღეა, თავი დიდია, მკვრივი, ბრტყელი ფორმის, მასა - 2-3 კგ. გემური თვისებები კარგი.
გარეთა ფოთლები მონაცრისფერო მწვანეა, ოდნავ ცვილისებური ნაფიფქით. ქვედა ფოთლები ჰორიზონტალურადაა გაწყობილი. ფოთლების როზეტი დიდია (60-95 სმ.) გარეგანი მურკი მოკლე და მსხვილი აქვს და ფოთოლი მიწაზე განივრადაა გართხმული. ფოთოლი მოიისფრო, მოღუნულია. მეტად მოსავლიანი ჯიშია, საშუალო მოსავალი 45,0–80,0 ტ/ჰა. ხარისხიანი პროდუქცია 95%–ს შეადგენს. გრძელ სტადიური ჯიშია და აჩოყებისადმი გამძლე. ნიადაგს დიდ მოთხოვნილებას არ უყენებს, კარგად ეგუება ჰაერის სიმშრალეს, იტანს გვალვას, ხანგრძლივ შენახვისუნარიანია, გამოიყენება ნედლად და გადამუშავებული სახით. საუკეთესოა დასამჟავებლად.
გაუმჯობესებულია ყოფილი საკონსერვო მრეწველობის საკავშირო სამეცნიერო- კვლევითი ინსტიტუტის გორის მეხილეიბა-მებოსტნეობის სასელექციო სადგურში.