საქართველოს აგრარული ბიომრავალფეროვნება

ჯიშის დახასიათება: ჯიში ბერბუკელა საგვიანოა, სავეგეტაციო პერიოდის ხანგრძლივობა აღმოცენებიდან სიმწიფემდე 146 დღეა. როზეტი საშუალო–64 სმ. დიამეტრის. ფოთლების განლაგება ჰორიზონტალურია, მათი რაოდენობა როზეტში 15–28 ცალია, ფოთლების ფირფიტის სიგრძეა 30სმ, სიგანე - 31 სმ. ფოთლის ფორმა ოვალური, ფოთლის კიდე დანაკვთულია,ფირფიტა საშუალო - დანაოჭებული, დაძარღვა ძლიერი, შეფერვა მწვანე. ძლიერი ნაფიფქითაა დაფარული. გარეთა მურკის საშუალო სიმაღლე 16,6 სმ, დიამეტრის ზომა 5,5–7,5 სმ.
თავის ფორმა მომრგვალო–მობრტყო, სიმაღლე, საშუალოდ, 20 სმ., დიამეტრი - 28 სმ.
ინდექსი 0,71. თავის მასა - 3,0 კგ. სიმკვრივე საშუალო, შეფერვა განაჭერზე თეთრი შიდა მურკის ზომა სიგრძით 9,8 სმ, შიდა მურკის სიგანე–3,7 სმ. მაღალმოსავლიანია - 60–80 ტ/ჰა. ჯიში გამძლეა ჩაწოლისადმი, დახეთქვისა და დაავადებისადმი.
მშრალი ნივთიერების შემცველობა თავში - 7,49%, საერთო შაქრებისა –4,1%, ვიტამინ C- 37,88 მგ. %, უჯრედანა 0,84%.
ჯიში მიღებულია გორის საცდელ სადგურში ინდივიდუალური გამორჩევის შედეგად ადგილობრივ ჯიშ-პოპულაცია ბერბუკულადან.