რქაწითელი მუსკატური
ჯიშის სახელწოდება: რქაწითელი მუსკატური
სინონიმი: უცნობია
წარმოშობა: ახალსელექციური ქართული ვაზის ჯიში.
მშობელ წყვილად გამოყენებულია რქაწითელი და ალექსანდრიული მუსკატი.
ავტორები: ვ. ქანთარია და ნ. ჩახნაშვილი.
სინონიმი: უცნობია
წარმოშობა: ახალსელექციური ქართული ვაზის ჯიში.
მშობელ წყვილად გამოყენებულია რქაწითელი და ალექსანდრიული მუსკატი.
ავტორები: ვ. ქანთარია და ნ. ჩახნაშვილი.
მოკლე აღწერა:
ახალგაზრდა ყლორტი: ზრდის კონუსი მოთეთრო-მონაცრისფრო, შებუსულიმოთეთრო ფერის ბეწვისებური ბუსუსით. ყლორტი სწორმდგომია, ღია მწვანე ფერის.
ზრდასრული ფოთოლი: საშუალო ზომისაა, მომრგვალო, ღრმად დანაკვთული. ყუნწის ამონაკვეთი ღიაა და თაღისებურია ბრტყელი ფუძით. ფირფიტა ქვედა მხრიდან შებუსულია მონაცრისფრო ბეწვისებური ბუსუსით.
ყვავილი: ორსქესიანი.
მტევანი: საშუალო ან საშუალოზე დიდი ზომის, ცილინდრულ-კონუსური ფორმის, საშუალო წონა - 255,0-270,0 გ.
მარცვალი: საშუალო ზომის, ფორმით მომრგვალო ან მცირედ ოვალური. ღია მწვანემოყვითალო ელფერით, მზიანი მხრიდან მოყავისფრო ლაქებით. საკმაოდ სქელკანიანი. რბილობი წვნიანია, სასიამოვნო მუსკატური გემოთი.
მოსავლიანობა: უხვმოსავლიანი.მსხმოიარობის კოეფიციენტი: 1,5-2,0.
სამეურნეო მიმართულება: სასუფრე-საღვინე.
სასუფრე ყურძნის დახასიათება: გამოირჩევა ყურძნის გარეგნული სილამაზით და შაქარ-მჟავიანობის ნორმალური შემცველობით.
ღვინის დახასიათება: მაღალხარისხოვანი, შინაარსით მდიდარი სუფრის ღვინოა, მოჩალისფროა, მოყვითალო ელფერით, ნაზი, მკვეთრად გამოსახული მუსკატური არომატით.
დამატებითი ინფორმაცია: ვაზი საშუალოზე ძლიერი ზრდისაა.
დღევანდელი მდგომარეობა: საკოლექციო ჯიში.
წყაროები:
რამიშვილი მ., ამპელოგრაფია, გამომცემლობა „განათლება“, 1986, გვ. 255-257.
ავტორი: ირმა მდინარაძე